34.8 C
Скопје
24. јуни 2024
Centar.mk – Вести, бизнис, забава, спорт…
БИЗНИС

Алибаба: Ќе инвестираме уште две милијарди долари во Турција

Кинескиот гигант за е-трговија Алибаба планира да инвестира 2 милијарди долари во Турција, најавувајќи изградба на центар за податоци и логистика во Анкара и формирање на оддел за извоз на аеродромот во Истанбул.

Инвестицијата ја најави претседателот на групата, Мајкл Еванс, на средба со турскиот претседател Таип Ердоган, се вели во соопштението за печатот од турскиот огранок на Алибаба.

Временската рамка на инвестицијата не е наведена.

Алибаба веќе има инвестирано 1,4 милијарди долари во Турција преку нејзината подружница Трендиол, која е меѓу најпознатите онлајн продавници во Турција, рече Еванс, според соопштението.

Трендиол, чиј претседател Чаглајан Четин, исто така, се состана со Ердоган, рече дека Еванс ги наведе деталите за новите инвестиции, како што е изградбата на податочен и логистички центар во Анкара и формирањето на извозен центар на аеродромот во Истанбул.

Ердоган моментално се наоѓа во САД, каде во понеделник започнува 78-та сесија на Генералното собрание на Обединетите нации (ОН).