2. август 2025
Centar.mk – Вести, бизнис, забава, спорт…
БИЗНИС

Бачовски: Исплатени 58.9 милиони денари дополнителна поддршка за 1925 регистрирани земјоделци

Агенцијата за финансиска поддршка во земјоделството и руралниот развој извести дека денеска ја реализирала исплатата на дополнителната државна помош од 20% за носители на земјоделски стопанства кои се регистрирани вршители на земјоделска дејност согласно законот за вршење на земјоделска дејност или регистрирани како индивидуални земјоделци согласно законот за пензиското и инвалидското осигурување.

Дополнителната помош се доделува на земјоделски стопанства кои се корисници на директните плаќања и имаат пријавени соодветни површини и животни:

– од минимум 5 до максимум 50 ха пријавена површина со поледелски култури со задолжителна употреба на сертифициран семенски материјал
– од минимум 1 до максимум 5 ха пријавена површина со градинарски култури
– од минимум 1 до максимум 5 ха пријавена површина со овошни насади
– од минимум 1 до максимум 10 ха пријавена површина со лозови насади
– од минимум 10 до максимум 50 грла говеда
– од минимум 101 до максимум 500 грла овци
– од минимум 50 до максимум 150 грла кози
– од минимум 6 до максимум 50 грла-маторици
– од минимум 50 до максимум 100 пчелни семејства

„Поддршката во земјоделскиот сектор ги препознава земјоделците чија основна економска дејност е земјоделското производство како посебна категорија. За таа цел во законот за земјоделство и рурален развој како и програмата за финансиска поддршка во земјоделството оваа категорија на земјоделци добива право на 20% дополнителна финансиска поддршка. За таа цел со оваа исплата се поддржани 1925 земјоделци за кои се одвоени 58.9 милиони денари“, истакна директорот Бачовски.

Можеби ќе ве интересира

Муцунски: Финализираме договор со САД што ќе ги отстрани преостанатите трговски бариери

C +

Мицкоски: Им благодарам на САД што ја коригираа тарифата од 33 на 15 проценти, оптимист сум дека ќе одиме уште подолу

C +

Сериозно голема акција на УЈП: Третина од контролираните субјекти со неправилности, затворени пет дуќани

ДЕСК