„Со одлука на Влада уште од 2021 година е донесена одлука за формирање на Национално советодавно тело. Институциите ги назначија своите претставници додека претставниците на организациите за млади, младинските организации, националните чадор организации треба да се состанат, да свикаат собрание и од редот на нив да ги изберат“ изјави советникот за млади во Владата, Ѓорѓи Тасев во изјава за Трн.
Тој додава дека ова тело ќе биде пандан на коменаџмент на европско ниво, а одлучувачката моќ ќе биде на самиот граѓански сектор.
„Има некои најави за екипирање, но кога ќе биде не знам, на институциите им е полесно тоа да го направат затоа што тие веќе ги имаат номинирано нивните претставници. Институциите се осум, а граѓанските организации се девет и претседателот на ова советодавно тело се бира од редот на организациите“ објасни Тасев.
Советникот за млади во Владата за Трн откри дека очекува до крајот на септември да се донесат и потребните измени на Законот за младинско учество и младински политики.
„Тоа е предвидената динамика. Од клубот на младински прашања беше испратен апел да се вклучат и други останати организации, да достават свои коментари, тие доставија, коментарите се разгледани и од пратениците и од медиумите и со поддршка на меѓународни партнери истите тие треба да се разгледаат дополнително и согласно дали се применливи, реално остварливи ќе се вметнат или нема да се вметнат“, потенцираше Тасев за читателите на Трн.
Александра Тодоровиќ
извор Трн.мк
НАЈЧИТАНО НА ИНТЕРНЕТ...
