Пронајдено тело во канал на хидросистемот „Брегалница“

Тело на машко лице е пронајдено попладнево во десниот магистрален канал од хидросистемот „Брегалница“, на потегот меѓу селата Истибања и Оризари.

Според информациите, за да може да се извлече телото на удавениот од каналот бил запрен дотокот на вода од браната Калиманци.

Стручни екипи од полицијата и од Основното јавно обвинителство од Кочани прават увид на местото на настанот.