Вчера, во 16.30 часот, во СВР Охрид било пријавено дека на улицата Железничка во Охрид се случила сообраќајна несреќа помеѓу патничко возило „пежо“, со радовишки регистарски ознаки, управувано од 56-годишниот Д. К. од Охрид, и патничко возило „фиат пунто“, со охридски регистарски ознаки, управувано од 50-годишниот А. Р. од Охрид, извести МВР.
„Во несреќата тешки телесни повреди добила сопатничка од возилото ‘фиат пунто’, Ј. Р. (75) од Охрид, констатирани во Специјалната болница ‘Св. Еразмо’ во Охрид. Телесни повреди добиле возачот А. Р. и уште двајца негови сопатници, Г. Р. (45) и малолетник, двајцата од Охрид“, соопшти МВР.
Извршен бил увид од екипа на СВР Охрид.
