Како што јавуваат медиумите во Хрваска на граница бил откриен прехранбен производ произведен во Србија со високо ниво на канцероген акриламид.
Потврдено од европскиот систем за брзо предупредување во трговијата со храна, високо ниво на акриламид е откриено во чипсот со вкус на пиперка, произведен во Србија.
Производот не влегол на хрватскиот пазар и истиот бил уништен.
Земјата на пријавување е Хрватска, а известувањето се однесува на Хрватска и Србија, јавува „N1“ Загреб.
Акриламидот најчесто се наоѓа во леб, помфрит, чипс, житарки за појадок, бисквити, крекери и кафе.
Според хрватската агенција за храна, се проценува дека присуството на акриламид во храната може да го зголеми ризикот од развој на рак кај сите возрасни групи. Се утврдува дали ваков чипс има и во Македонија.
