Според познавачите последниот потег на ДУИ може да се смета како обид да се разобличи целокупната игра на пратеници на опозициската ВМРО ДПМНЕ, кои од една страна им намигнуваат на странските дипломати дека не е проблем да поддржат измена на Уставот, а од друга глумат тврди позиции.
Петмината министри од ДУИ на своите Фејсбук страници објавија фотографии како ги потпишуваат оставките кои ќе стапат на сила на денот кога ќе се гласаат за уставните измени, односно доколку пратениците на ВМРО-ДПМНЕ гласаат ЗА.
По серијата оставки на министрите и функционерите, оставка најави и претседателот на Собранието, Талат Џафери.
Социјалдемократите велат дека сите услови на ВМРО ДПМНЕ се исполнети.
После овие потези на владејачките партии кои понудија и предвремени избори се очекува топката да биде префрлена во дворот на опозицијата, бидејќи се расчистија дилемите за тоа кој е за, а кој против ЕУ.
