Германската „Луфтханза“ планира да бара компензација од групата за климатски активисти „Последна генерација“ поради протестите што ги прекинаа летовите на неколку германски аеродроми претходно овој месец.
Портпаролката рече дека компанијата планира да бара компензација во име на сите авиокомпании во групата, која ја вклучува германската „Луфтханза“, како и „Аустриан ерлајнс“, „Свис ерлајнс“, „Брисел ерлајнс“ и „Еуровингс“.
Климатските активисти кои сакаат да ја истакнат важноста на влијанието на воздушниот сообраќај врз загадувањето, останаа на пистите на аеродромите во Диселдорф и Хамбург на 13 јули. Активистичката група претходно организира сличен протест на аеродромот во Берлин во ноември.
Од „Луфтханза“ не сакаат да кажат колкава отштета ќе бараат, се споменуваат милиони евра.
Поради овие протести, многубројни летови беа откажани или пренасочени. „Еуровингс“, нискобуџетска компанија во сопственост на „Луфтханза“, ги обвинува протестите за откажување 55 лета.
„Луфтханза“ веднаш не коментира колку пари компанијата ќе бара за компензација. Експертот за воздухопловство, Џералд Висел, за весникот „Рајнише пост“ изјави дека тоа би можело да биде милиони евра. Аеродромот во Диселдорф, исто така соопшти дека има намера да поднесе свои барања против Last Generation.
Airlines Condor и Tuifly рекоа дека ги разгледуваат нивните барања, но во понеделникот не коментираа дали имаат намера да поднесат тужба.
Членовите на активистичката група, кои беа уапсени на аеродромите, остануваат под полициска истрага и се соочуваат и со можни граѓански тужби за отштета.
