Вчера Владата информираше преку соопштение и преку објавување на интегралниот текст, дека одлуката за Уставните измени е едногласно донесена и е доставена до Собранието, кажа премиерот Димитар Ковачевски.
– Парламентот согласно своите процедури ќе ја организира прво работата на Уставната комисија, па потоа и на пленарна сеница.
Премиерот очекува плодна дискусија, конструктивна расправа и натпартиски консензус во Собранието, за како што вели, продолжување на европската интеграција на државата.
– Од нас зависи како и на кој начин ќе го продолжиме и завршиме патот на европската интеграција, додава Ковачевски.
Според премиерот се работи за Уставни измени кои не задираат во ниту едно идентитетско прашање.
– Беа објавени, немаше ниту еден негативен коментар. Ние сме мултиетничко општество и сме пример за Европа во мало. Сметам дека нашите пратеници ќе имаат визија, доблест и храброст да донесат одлука која што ќе значи европска интеграција, додаде премиерот.
НАЈЧИТАНО НА ИНТЕРНЕТ...
