Градоначалниците на ДПМНЕ во Скопје, а помеѓу нив и Орце Ѓорѓиевски, се дел од проблемот во градот и ниту еден од нив не може да побегне од одговорноста за хаосот што го направија, велат од владејачкиот СДСМ.
За тоа што Скопје е претворено во огромна депонија и што се дави во ѓубре, одговорноста е кај сите градоначалници на ДПМНЕ, кои не работат ништо, реагира партијата по денешната прес-конференција.
„Кавгите помеѓу градоначалникот на Кисела Вода од ДПМНЕ, Орце Ѓорѓиевски, и градоначалничката Арсовска, која со поддршка на ДПМНЕ е на позицијата, не ги интересираат скопјани. Што имаат граѓаните од тоа што Ѓорѓиевски се каел за поддршката на Арсовска? Граѓаните на Скопје очекуваат работа и резултати, кои никаде ги нема. Орце Ѓорѓиевски и Христијан Мицкоски за време на кампањата за локалните избори, заедно со сите градоначалници на ДПМНЕ во Скопје, бараа поддршка од граѓаните и ветуваа модерно Скопје“, велат од СДСМ.
Според нив, наместо модерно, Мицкоски и ДПМНЕ, заедно со Орце Ѓорѓиевски, го вратија Скопје назад за 60 години.
