Змиите се водени од сетилото за мирис, а во потрага по храна или партнер може да се најдат во вашиот двор. Отстранете ги мирисите кои ги привлекуваат и ќе ја намалите шансата да се сретнете со нив.
Вомероназален орган
Секое живо суштество на оваа наша планета е во потрага по храна, вклучувајќи ги и змиите. Овие влекачи пред се ја „мирисаат“ својата околина, но не го користат носот, како што правиме ние луѓето. Змиите го перцепираат мирисот со хеморецепција, т.е. со помош на специјален орган – Јакобсон или вомероназален орган.
Имено, кога змијата ќе го извади јазикот, таа собира честички од воздухот, врз основа на кои наоѓа хемиски траги и мириса во својата околина. И така, ако има мириси во вашиот двор, за кои таа оцени дека се деликатеси, ќе го посети и вашето место.
Ваше е да им испратите порака дека во вашата околина нема ништо што ги интересира, а тоа можете да го направите така што ќе се погрижите да ги отстраните мирисите кои најмногу ги привлекуваат.
Внимавајте на преостанатата храна која привлекува глодари
Змиите нема да ја изедат вашата преостаната храна, туку со нив ќе привлечете глодари кои ќе го извршат целиот процес на варење на храната во вашиот двор или градина, а ќе го исфрлат вишокот – односно измет. Лесно ќе го помирисаат и ќе одлучат да го побараат омилениот плен токму кај вас.
Сакаат птичји јајца
Мирисот на птиците, нивниот измет или нивните гнезда потенцијално можат да привлечат змии. Ако сакате да им направите услуга на птиците и да оставите мали базени со вода во вашиот двор, имајте на ум дека вашиот двор стана интересен за змии.
Ги привлекуваат жаби и риби
Водните или полуводните змии го сакаат мирисот на водоземци како жаби или риби.
Една змија привлекува друга
Змиите можат да ги почувствуваат феромоните што ги ослободуваат другите змии. Покрај хранењето, потребата за парење навлегува и во тие вродени инстинкти, па затоа, особено кога им е сезоната на несење јајца, змиите ќе се приближат до местата каде што чувствуваат присуство на други змии.
За да бидете безбедни, засадете растенија во градината чии мириси ги одбиваат змиите, како што се змиско растение, невен, зеленика и хризантеми.
