Откако Стивен Нелмс и неговата сопруга Глори го добија синот Есра, младиот пар се согласи Глори да ја напушти работата и да се посвети на воспитувањето на детето. Во тоа време Стивен напиша трогателен текст за неговата сопруга кој стана вирален.
– Таа мисла ја имам во мојата глава веќе некое време. Мислев дека не можам да си дозволам жена ми да биде мајка која останува дома“, напишал Стивен.
– Мојата сопруга останува дома и секојдневно се грижи за нашиот син. Му менува пелени, го храни, си игра со него, го заспива и го теши. И тоа е само минимум. Секако, кога си родител, природно е да го сакаш и да се грижиш за своето дете, но има паричен износ што може да се припише на дадените услуги – продолжи тој.
Потоа пресметал колку вреди трудот на неговата сопруга за една година. На пример, просечната плата на дадилка со полно работно време е 33.500 евра годишно. Трошоците за чистење на куќата чини околу 4.700 евра годишно. За личен готвач треба да се издвојат околу 11.400 евра, додека трошокот за перење облека би чинел околу 1.100 евра.
– Севкупно кога ќе ги пребројам сите ставки доаѓам до сума од 67.600 евра годишно. Имајте предвид дека нема денови за боледување или слободни денови. Овде не се вклучени сите поволности што би ги уживал некој со таа плата. Не можам да си ја дозволам сопругата. Се срамам ако некогаш ја натерав да се чувствува виновно кога ќе купи нешто за себе. Таа ме сака мене, го сака нашиот син и нашето семејство, а сето горенаведено не го прави за плата или признание – објасни тој.
На крајот, тој додаде дека верува дека ги боли жените кога знаат дека нивната проценета годишна плата е речиси двојно поголема од реалните приходи на нивните партнери.
– Се надевам дека покажав колку ја ценам сопругата како мајка на моето дете. Вие сте поскапоцени од рубини. А јас не можам да си дозволам – заклучи тој.
