Три лица загинаа во страотната несреќа која што се случи попладнево во 12 часот на патот Штип-Свети Николе близу наплатната рампа.
Неофицијално има и повеќемина повредени.
Во несреќата учествувале две возила, а според информациите загинале 15 годишно девојче и две жени на возраст од 37 и 62 години.
– Регионалниот ЦУК ШТИП известува за сообраќајна несреќа на патниот правец „Штип – СВ Николе“ кај селото Криви Дол помеѓу две патнички моторни возила. Од Сообраќајната полиција ЦУК има известување дека на местото на несреќата имало две загинати лица, а едно лице им подлегнало на повредите во клиничката болница во Штип, велат од ЦУК.
За другите повредени лица нема подетални информации , на местото на несреќата е излезен јавен обвинител и се врши увид на несреќата а сообраќајот ке биде во прекин се до завршување на увидот .
Инаку, сообраќајот е пренасочен и се одвива по стариот пат кон Свети Николе.
ПОПУЛАРНО НА ИНТЕРНЕТ...
