Околу 160 кила висококвалитетен кокаин вреден над 10 милиони евра запленија македонската и грчката полиција во голема акција во Грција координирана со американската ДЕА, дознаваме од извори во истрагата.
Според информации на Centar.mk, разбиена е голема организирана криминална група која била следена подолг период, а уапсени се повеќе грчки и македонски државјани. Од македонското МВР потврдуваат дека во тек е голема акција, но детали најавуваат по целосното зваршување.
