Влезот во НУ Музеј на македонската борба за самостојност утре ќе биде слободен во чест на Меѓународниот ден на музеите, 18 Мај.
Музејот ги поканува сите заинтересирани да ја посетат постојаната поставка во редовното работно од 10 до 18 часот.
Оваа година Меѓународниот совет на музеите ИКОМ го одбележува Денот на музеите – 18 Мај со темата „Музеи, одржливост и благосостојба“. Музеите имаат свој придонес во општеството за постигнување на целите за одржлив развој: од поддршка на климатските активности и поттикнување на инклузивноста до справување со социјалната изолација и подобрување на менталното здравје.
