Во општина Пустец, како и во останатите 60 општини во Албанија, денеска граѓаните избираат нова локална власт.
Во трка за Пустец се двајца, додека за 15-те места во општинскиот совет 97 кандидати, сите Македонци, предложени од повеќе политички партии.
Довербата за градоначалник на општината по вторпат ја бара актуелниот градоначалник, Пали Андон Колефски кој на локалните избори што се одржаа во јуни 2019 година освои 1.505 гласови или 66,84 отсто од вкупниот број гласачи. Тој доаѓа од владејачката Социјалистичка партија.
Негов ривал е Панди Јани од Партијата на слободата на поранешниот албански претседател Илир Мета, која ја предводи опозициската изборна коалиција „Заедно победуваме“.
Во избирачкиот список во Пустец запишани се 4.364 лица со право на глас.
ПОПУЛАРНО НА ИНТЕРНЕТ...
