Проблемот и стравот на граѓаните околу Технометал – Вардар станува минато. Сопственикот започна со самостојно расчистување на теренот откако Општина Центар му изрече решение за расчистување и редовно одржување.
“Технометал – Вардар беше честа мета на крадци кои го кршеа инвентарот и корнеа материјали од ентериерот и екстериерот. Бетонската зграда беше и мала депонија поради енормните количини ѓубре. Општина Центар поради опасност од еколошка катастрофа и нови пожари на локацијата неколкупати го казни сопственикот и во фебруари месец му изрече Решенија за расчистување на просторот. Со овој потег конечно се решава проблемот на граѓаните и околни жители кои години наназад живееја во страв и еколошки штетна околина”, смета Герасимовски.
Тој најави дека Општина Центар преку Секторот за инспекциски работи и во наредниот период ќе продолжи со инспекциски контроли преку инспекцијата за животна средина со цел да не се повтори грдата слика и нарушувањето на мирот на станарите.
ПОПУЛАРНО НА ИНТЕРНЕТ...
