5. август 2025
Centar.mk – Вести, бизнис, забава, спорт…
вестМАКЕДОНИЈА

Каевски: Силна поддршка од САД за членството во ЕУ, само Мицкоски и Апасиев се против

Прес-конференција, Дарко Каевски, пратеник и портпарол на СДСМ:

Силна поддршка доби земјава од нашиот најважен и најголем сојузник САД, за време на посетата на претседателот на СДСМ и премиер Димитар Ковачевски и средбите со високите државни претставници на Соединетите држави.

САД биле и остануваат најважниот и најголем сојузник на нашата држава, кој го цени придонесот на Северна Македонија во зачувувањето на регионалната, но и на глобалната безбедност и стабилност како членка на НАТО, но и како земја претседавач со ОБСЕ.

Сето тоа е потврда за успешните државнички политики на СДСМ и претседателот Ковачевски и мотив плус, соработката со стратешкиот партнер САД, дополнително да се интензивира.

Исклучително важна за нас е пораката дека САД силно ќе ја поддржат европската иднина на земјава, реформите и чекорите за полноправно членство во ЕУ.

Оваа порака доаѓа во период кога веќе успешно тече скрининг процесот а потребни се чекори во македонското Собрание за продолжување на преговорите со ЕУ до полноправно членство.

Веќе е формирана и експертска работна група за текстот на амандманите за потребните уставни измени како еден од чекорите.

И додека поддршката за продолжување на европскиот пат доаѓа од најважните стратешки партнери и сојузници на земјава, дома, на македонската политичка сцена против ЕУ се само Христијан Мицкоски и Димитар Апасиев.

Коалицијата ВМРО-ДПМНЕ – Левница се единствените кои се против ЕУ и европската иднина на државата и нејзините граѓани.

Во заложништво на Апасиев, Мицкоски, со него се натпреварува како да го закочи патот кон ЕУ и кој поголема штета ќе предизвика на државата, на идните генерации.

СДСМ заедно со граѓаните, заедно со сите проевропски партии во земјата тоа нема да го дозволи.

СДСМ е предводник на проевропската коалиција и во иницијативата да се направат сите неопходни реформи за да го продолжиме патот кон Европа.

Деструкциите на двоецот Мицкоски-Апасиев повторно ќе бидат поразени.

Можеби ќе ве интересира

Средба Николоски – Сориано Ортиз: Авиолиниите Скопје – Мадрид и Скопје- Барселона се одлична можност за подoбрување на соработката меѓу двете држави

ДЕСК

На Клиниката за детски болести обезбеден дигитален мобилен рендген апарат со поддршка од Амбасадата на Jапонија

ДЕСК

Внук си ја нападнал бабата која имала 75 години – драма во Кисела Вода

ДЕСК