По речиси две години блокирана сметка, Општата болница во Охрид го намали долгот за речиси еден милион евра и ја одблокира сметката. Тоа ќе овозможи нормално функционирање на здравствената установа.
Домаќинското работење на директорот Асен Шајн и финансиската поддршка од Фондот за здравство и Владата доведоа до решавање на овој проблем и враќање во нормала на функционирањето на болницата, која досега работеше без застои само поради трпеливоста на добавувачите.
„Долгот е намален за околу еден милион евра и ќе се потрудиме во периодот што претстои да се сервисира и останатиот дел. Ова е многу важно, бидејќи охридската болница е регионален центар, каде преку летото бројот на пациенти се зголемува за една третина, бидејќи Охрид е туристички центар и во него престојуваат голем број домашни и странски туристи на кои мораме да пружиме квалитетни здравствени услуги“, изјави Асен Шајн, директор на Општа болница – Охрид за МТВ.
Тој исто така додаде дека после подолг временски период од Општата болница Охрид на специјализација се испратија девет нови доктори, со што се прави планско пополнување на одделенијата со дефицитарни специјалисти доктори како што се педијатрија, анестезиологија и инфектологија.
Можеби ќе ве интересира…
Од 19:15 часот регионалниот пат Охрид-Свети Наум, кај с.Љубаништа, поради одрон на патот, сообраќајот е во целосен прекин. Прочитај повеќе
За оние кои летово планираат да возат до најблиските плажи во соседството, најважно е колку ќе чини да се наполни полн резервоар со гас, пишува Б92. Најевтино ќе биде ако… Прочитај повеќе
Десетици измамени граѓани се соочиле да плаќаат рати од туѓи подигнати брзи кредити. Само во 2022 година евидентирани се 43 случаи на измами со брзи кредити, велат од МВР за… Повеќе
Зајакнување на позициите на пазарите, градење препознатлив бренд со географска индикација и успешна трансформација кон органско производство се основите за успех на македонската винска индустрија. Ова се современите трендови во… Повеќе