На 30.04.2023 околу 21.00 часот пријавено е дека на регионалниот пат Штип – Плачковица, помеѓу с.Таринци и с.Нов Караорман, штипско се случила сообраќајна несреќа помеѓу патничко моторно возило “ауди А5” со штипски регистарски таблици, управувано од К.Т.(25) од с.Карбинци, општина Карбинци и патничко моторно возило “хјундаи акцент” со штипски регистарски таблици, управувано од Д.М.(43) од Стар Караорман, штипско.
Во несреќата на местото на настанот починал К.Т., а смрт констатирал лекар од Итната медицинска помош, додека Д.М. се здобил со телесни повреди, констатирани во Клиничката болница Штип. Увид на местото на несреќата извршиле увидна екипа на СВР Штип и Јавен обвинител.
ПОПУЛАРНО НА ИНТЕРНЕТ...
