Кафе 50, пиво 90, шарска 180 денари – Преспа одлична дестинација за продолжениот првомајски викенд

Преспа покрај својата природна убавина за првомајските празници се очекува да биде преполна со туристи.

Рестораните и хотелите во Отешево, Стење, Претор, Сливница, Долно Дупени нудат и одлични цени за посетителите, но местото изобилува и со прекрасни места за правење на скара во природа.

Цените во просек се поскромни од другите туристички градови, па така кафе еспресо или мало макијато чини 50 денари, кисела вода 60, сок 60, пиво 80-100 денари, шарска плескавица од 150-180 денари, пица од 200-300 денари.

Цените на апартмани изнесуваат од 1500-2500 денари за цело семејство од едно ноќевање.