Како што бојави полицијата вчера во 18 часот е пријавено дека на регионален пат во атар на селото Ќојлија, скопско, имало сообраќајна несреќа помеѓу две возила и тоа “сеат ибица“ со скопски регистарски ознаки, управувано од Б.Х.(19) од селото Ќојлија, и “даеву матиз“ со скопски регистарски ознаки, управувано од Х.Р.(60) од селото Долно Коњари.
МВР известува дека во сообраќајната несреќа со тешки телесни повреди се здобил возачот Х.Р. кој бил пренесен во Комплексот клиники “Мајка Тереза“ каде починал, а смрт била констатирана од страна на лекар.
Исто така полицијата во својот дневен билтен известува дека со тешки телесни повреди се здобиле возачот Б.Х. и сопатник од возилото “даеву матиз“ Љ.Г.(63) од Скопје, констатирани во Градската општа болница ‘Св.Наум Охридски’“.
Повредени се уште две лица од возилото “сеат ибица“ А.Д.(22) и И.Д.(24) од Скопје .
