Скопјанец ограбувал пензионери, употребувал физичка сила за да го стори разбојништвото

Вчера во 13.25 часот на подрачјето на Центар полициски службеници од Единицата за внатрешни работи Центар и Бит Пазар го лишиле од слобода А.А.(29) од Скопје поради постоење основи на сомнение за сторено кривично дело тешка кражба, извршена на 15.04.2023 на подрачјето на Центар, каде со употреба на физичка сила одзел паричник од 71-годишна скопјанка.

„Исто така, полициски службеници од Единицата за внатрешни работи Аеродром и Драчево во текот на вчерашниот ден извршиле службен разговор со пријавениот поради постоење основи на сомнение за сторено кривично дело “разбојништво” по член 237 од КЗ на РСМ, извршено на 13.04.2023 на подрачјето на Аеродром врз 88-годишен скопјанец, од кого одзел паричник и два мобилни телефона“, велат од МВР.

По целосно документирање на случајот ќе следи соодветен поднесок.