44-годишен тетовец бил уапсен откако бил осомничен дека со своето возило насилно донел малолетник во полиција.
Имено, вчера, во 18.15 часот, полициски службеници на СВР Тетово го лишиле од слобода 44-годишниот тетовец Г. П. поради сомнение дека од улицата Борис Кидрич во Тетово со своето возило донел малолетник во Полициската станица Тетово против негова волја.
Подоцна, во 21.15 часот, Г. П. пријавил дека околу 17.35 часот малолетникот физички го нападнал неговиот малолетен син, кој бил со друго малолетно лице, и им ги оштетил телефоните.
Се преземаат мерки за расчистување и документирање на случајот, соопшти полицијата.
