Centar.mk – Вести, бизнис, забава, спорт…
МАКЕДОНИЈА

Утре посебен сообраќаен режим на патот на потегот од Стража до тетовски Групчин

Секторот за внатрешни работи Тетово известува дека, утре, вторник, 4 април 2023 година, од 11.45 до 13.15 часот, на потегот од Стража до тетовски Групчин, ќе се воведе посебен сообраќаен режим поради одржување пригодна свеченост по повод почнувањето на градежните работи на автопатот Тетово – Гостивар.

Во овој период целосно ќе биде запрен товарниот сообраќај, при што товарните возила што ќе бидат затекнати на автопатот ќе се исклучуваат од сообраќај, а ќе бидат отворени сите регионални патни правци на подрачјето, кои ќе се користат за таа намена.

Што се однесува до патничкиот сообраќај од Скопје кон Тетово, тој ќе се одвива до клучката Југ и потоа ќе се пренасочува по регионалните патишта, а од Гостивар кон Тетово ќе се одвива до клучката Камењане и ќе се пренасочува по регионалните патишта.

Секторот за внатрешни работи Тетово апелира до возачите да ги почитуваат наредбите и насоките од полициските службеници, како и сообраќајната сигнализација, која дополнително ќе биде поставена на овој потег.

Можеби ќе ве интересира

Синоптичарите со вонредни најави за можно невреме во овие делови од Македонија

ДЕСК

Мицкоски: Со новите извешати на УЈП и Царина може да констатираме дека периодот на консолидација заврши, следува период на раст на економијата во државата

ДЕСК

Обезбедени 42,3 милиона денари финансиска поддршка за ранливите потрошувачи на струја

C +