Министерот за внатрешни работи Оливер Спасовски денеска оствари работна средба со амбасадорот на Република Словенија во Република Северна Македонија, Н.Е. Милан Предан, на кој му завршува мандатот во земјава.
На средбата министерот Спасовски му се заблагодари на амбасадорот Предан за поддршката од страна на Република Словенија во процесите за започнување на преговори со ЕУ и одличната соработка на Амбасадата на Република Словенија во Република Северна Македонија со Министерството за внатрешни работи, изразувајќи уверување дека истата ќе продолжи да се развива во континуитет и со новоименуваниот амбасадор.
Во оваа прилика министерот Спасовски му врачи плакета од МВР на амбасадорот Милан Предан во знак на благодарност за успешната соработка и модернизирање на капацитетите на МВР на Република Северна Македонија
НАЈЧИТАНО НА ИНТЕРНЕТ...
