Centar.mk – Вести, бизнис, забава, спорт…
Македонија

(ВИДЕО, ГАЛЕРИЈА) Голема акција на полицијата во Шипковица, пронајдена е поголема количина на оружје

Како што објави полицијата денеска од страна на полициски службеници од Одделот за криминалистичка полиција – Сектор за недозволена трговија со дрога, оружје и опасни материи и СВР Тетово, на улица “Полог”, лишен е од слобода У.М.(34) од тетовска Шипковица, соопштија од МВР.

МВР информира дека при преглед на патничко возило “опел астра” со тетовски регистарски ознаки, кое го управувал, била пронајдена една автоматска пушка и 50 куршуми “Лугер” калибар 9 мм.

МВР уште додава дека при претрес, извршен со наредба од Судија на претходна постапка од Основен суд Тетово, во неговиот дом се пронајдени 237 куршуми калибар 9мм, поголема количина на муниција од различен калибар, пиштол “Црвена застава” 7.62 мм со рамка со куршуми, пиштол “Глок 17” со рамка со куршуми калибар 9 мм, гасен пиштол, еден топовски удар, една полоавтоматска пушка “Кхан Армс” со 5 патрони, соопшти полицијата.

Во соопштението на МВР се наведува дека СВР Тетово во текот на утрешниот ден до надлезното Основно јавно обвинителство Тетово ќе биде поднесена кривична пријава за извршено кривично дело по член 396 од Кривичниот законик.