По завршување на мандатот за кој беа назначени в.д. директорите на ЈП „Водовод и канализација“, МКЦ и Зоолошката градина, Град Скопје назначи нови директори со значително работно и раководно искуство.
Од прес-службата на Град Скопје информираат дека за нов директор на ЈП „Водовод и канализација“ е назначен Драган Илиевски, кој е машински инженер со повеќе од 20 години работно искуство. Досегашниот директор Марјанчо Митовски, кој на позицијата беше назначен од редот на вработените, продолжува со ангажман како секторски директор на претпријатието.
Нов директор на Зоолошката градина е Зоран Попов, кој доаѓа од редот на вработените. Попов е економист со 20-годишно работно искуство.
Младинскиот културен центар (МКЦ) ќе добие нов директор по евалуацијата на биографиите за позицијата.
Косана Мазнева е назначена со нов мандат и продолжува да ја извршува функцијата директор на јавното претпријатие „Комунална хигиена“.
