14. септември 2025
Centar.mk – Вести, бизнис, забава, спорт…
БИЗНИС

Бектеши: Нема да оставиме кризата да биде на товар на граѓаните

Нема да оставиме енергетската криза да биде на товар на граѓаните. Од 1 јануари, пониски цени на електрична енергија за домаќинствата и за малите потрошувачи, напиша на својот Фејсбук профил министерот за економија Крешник Бектеши, откако Регулаторната комисија за енергетика денеска ги објави новите цени на електрична енергија кои ќе важат од 1 јануари следната година.

Како што напиша министерот Бектеши , согласно одлуката на регулаторната комисија кај домаќинствата цената на електрична енергија за првиот блок се намалува за 4,11%, за вториот блок, се намалува за 2,95%, цената на третиот блок се зголемува за 0,85%, за четвртиот блок цената на електричната енергија се зголемува за 7,65%.
„Вкупно 99,2% од домаќинствата во државата ќе имаат намалени цени на електрична енергија“ напиша Бектеши.

Вкупната цена за електрична енергија на малите потрошувачи, од 01.01 се намалува за 20,15%, а оваа цена ќе се применува за 70.000 компании во државата.

„Со овие одлуки цената за пренос на електрична енергија се намалува за 8,66%. Цената за дистрибуција се намалува за 19,54%“ напиша министерот на својот Фејсбук профил.

Можеби ќе ве интересира

Јовановиќ за РАЦИН.МК: Алта банка може да ја наруши финансиската стабилност во земјата, гувернерот да не го одобри преземањето на Стопанска банка Битола

C +

„Тиквеш“ прославува 140 години винска традиција, преточена во квалитет, современост и глобална препознатливост

C +

Поевтинуваат секојдневните плаќања за граѓаните и за компаниите

C +