33 санкции за автобуси што вршат превоз на ученици, два без лиценца

Денеска (01.12.2022) во периодот од 06.00 до 10.00 часот на територијата на Република Северна Македонија спроведена е акциска контрола на возила што вршат јавен превоз на ученици, за зголемување на безбедноста на учениците од дома до училиште и од училиште кон дома. При контролата констатирани се две кривични дела по член 284-а од Кривичниот законик поради возење без лиценца и 33 сообраќајни прекршоци. Упатени на вонреден технички преглед се 14 возила.

Сообраќајните контроли за зголемување на безбедноста на учениците од дома до училиште и од училиште кон дома продолжуваат и во наредните денови. Апелираме до сите да ги почитуваме сообраќајните правила и прописи и на тој начин сите заеднички да придонесеме да се зголеми безбедноста на децата и на сите нас.