18.8 C
Скопје
28. март 2024
Centar.mk – Вести, бизнис, забава, спорт…
ТЕМАЛОКАЛНО

ЈСП ќе набавува гориво по 118 денари за литар каде ќе завршува разликата?

Прес-конференција на СДСМ, Гордан Шутаров, советник во Советот на Град Скопје:

Неспособноста и бизнис интересите на ВМРО-ДПМНЕ е единствената причина за колапсот што му се случува на Јавното сообраќајно претпријатие Скопје.

Ова е документ, дел од склучениот договор за гориво за потребите на ЈСП.

14 и пол милиони литри дизел гориво ЈСП ќе набавува по цена од 100 денари за литар плус 18 отсто ДДВ, односно за 118 денари за литар.

Вредноста на договорот е 1,71 милијарда денари со ДДВ или скоро 30 милиони евра.

Цената на дизел горивото, денеска изнесува 86,5 денари за литар, а дневната потрошувачка на гориво на ЈСП е помеѓу 25 и 28 тони.

ЈСП дневно прави загуби од 1.000.000 денари или месечно околу 500.000 евра.

Ова е класичен пример како се испумпуваат пари од граѓаните и пример како Јавното претпријатие влегува во загуба.

Каде завршува разликата од реалната цена и цената утврдена во Договорот која е далеку повисока?

Одговорност за овој класичен пример на расипничко трошење на народните пари треба да понесе Управниот одбор, чии членови се главно активисти и членови на ВМРО-ДПМНЕ.

Почитувани,

Со вакво неодговорно, расипничко раководење ЈСП е во колапс, а Градот влегува во банкрот.

ВМРО-ДПМНЕ и нивната градоначалничка Данела Арсовска му приредуваат нова катастрофа на Град Скопје.

Со денови јавниот превоз е во колапс, а граѓаните не можат навремено да ги завршат своите обврски.

Наместо да понудат решенија ВМРО-ДПМНЕ и Арсовска кои ја имаат власта во Град Скопје меѓусебно се препукуваат за рацете во медот, додека проблемите на граѓаните ги игнорираат.

ВМРО-ДПМНЕ е најголемата непогода што му се случува на Град Скопје.

Спонзорирано: