Изминатото деноноќие произведени 11.787 MWh електрична енергија

АД ЕСМ на 28.11.2022 година произведе 11.787 MWh електрична енергија со што 100% се покриени потребите на домаќинствата и малите потрошувачи.

Во Термоелектраните произведени се 7.727 MWh, а во хидроелектраните и во Ветерниот парк Богданци произведени се 4.060 MWh.

Во изминатото деноноќие ЕСМ набави 4.580 MWh електрична енергија за дополнително снабдување преку ЕСМ Продажба. Оваа количина е наменета за задоволување на потребите што произлегуваат од дополнителните обврски преземени за снабдување со електрична енергија на болници, градинки и други објекти од виталната инфраструктура во државата.