Centar.mk – Вести, бизнис, забава, спорт…
Македонија

Средба Бесими-Дамјановиќ – РС Македонија и Црна Гора да ги искористат капацитетите за унапредување на соработката и заедничките напори на патот кон ЕУ

Министерот за финансии Фатмир Бесими во Министерството за финансии оствари средба со својот колега од Црна Гора Александар Дамјановиќ, на која беше потврдена добрата економска соработка меѓу двете земји и можностите за нејзино унапредување.

На средбата двајцата министри се осврнаа на општата економска состојба во контекст на кризата, мерките што се преземаат за справување со последиците од економската криза, како и за основните макроекономски политики што се спроведуваат. Тие меѓусебно разменија искуства за решенија што се применуваат во областа што ја покриваат.

Бесими и Дамјановиќ констатираа дека успешно се имплементираат потпишаните договори помеѓу двете земји за поттикнување на економската соработка и инвестиции и дека треба да се искористат сите можности кои стојат на располагање за да се унапреди економската соработка помеѓу двете земји. Затоа беше заклучено да се разгледаат можностите и да се преземат иницијативи за да се зголеми меѓусебната соработка, преку почести средби на експертско ниво.

Исто така, како две земји кои чекорат по патот до целосно зачленување во ЕУ, беа разменети искуства во остварување на критериумите за пристапување во ЕУ. Црногорскиот министер понуди искуството на Црна Гора во делот на поглавјата што ги покриваат овие ресори да го сподели со Министерството за финансии на РС Македонија. При тоа беше нагласено дека е значајна регионалната соработка и капацитетите на земјите за да ги искористат средствата што стојат на располагање до европските фондови.

Стоковата размена меѓу двете земји се движи над 30 милиони евра, и во 2022 година забележа раст од околу 27 %.

Можеби ќе ве интересира…

  • Biznispro.com
  • Вести +
  • Жена
Нова цена на горивата – Се очекува поевтинување

Утре Регулаторната Комисија стандардно како и секој понеделник треба да донесе одлука за утврдување на нови цени на горивата, кои ќе важат од вторник. На светските берзи цените на нафтата… Прочитај повеќе

Денеска РКЕ ќе стокми нова цена на горивата

Денеска Регулаторната Комисија за Енергетика стандардно како и секој понеделник треба да донесе одлука за утврдување на нови цени на горивата, кои ќе важат од вторник. Во моментов бензините се… Прочитај повеќе

Еве што се случува во телото на жената за време на ПМС: Хормоните се главни виновници за се

Најголема улога во женското репродуктивно здравје имаат хормоните кои регулираат голем број процеси во организмот. Така, под влијание на хормоните може да се забележат одредени појави во телото на жената… Прочитај повеќе