Centar.mk
МАКЕДОНИЈА

Ковачевски од Тетово: Во Буџетот за 2023 година обезбедивме пари за нов раст на пензиите и платите

Во буџетот за наредната 2023 година обезбедивме пари, ќе има нов раст на пензиите и платите, рече на трибината на СДСМ вечерва во Тетово претседателот Димитар Ковачевски.

-Во Буџетот за 2023 година обезбедивме пари за нов раст на пензиите и платите. Да, ќе растат пензиите и ќе расте и минималната плата. Со новата методологија што заедно ја договоривме, новото зголемување е во март 2023 година. Пензиите ќе бидат зголемени за вкупно 16% за време на една календарска година за сите 330.000 пензионери. Пензионерите се почитувани, тоа се нашите родители, тоа се наши татковци и мајки, баби и дедовци, рече Ковачевски.

Претседателот на СДСМ потсети дека со економските политики за наредната година Владата става акценти и на капиталните инвестиции.

– За капитални инвесиции наредната година ќе бидат исто така во нашиот фокус, за чија реализација се предвидени околу 800 милиони евра. Пари за нови проекти, за патишта, за водоводи, за нови градинки и училишта кои ќе се градат насекаде низ државата и секако и овде во Тетово, рече претседателот на СДСМ, Димитар Ковачевски вечерва во Тетово.

Можеби ќе ве интересира

СТИГНУВА СТУДЕН БРАН ВО МАКЕДОНИЈА – Дожд, силен ветер и снег на планините, температурите нагло ќе се намалат

ДЕСК

ВЕЧЕРВА СПРОТИ АРАНЃЕЛОВДЕН – Кои обичаи се негуваат во домовите и што се прави утре на големиот празник?

ДЕСК

УТРЕ Е ГОЛЕМ ПРАВОСЛАВЕН ПРАЗНИК – Се слави Свети Архангел Михаил, небесниот заштитник и предводник на ангелите

ДЕСК