Претседателот Стево Пендаровски учествуваше и се обрати на конференција на тема: Што по кризата – Иднината на Западен Балкан, во организација на Фондацијата БФПЕ за одговорно општество од Република Србија, Институтот за демократија и Атлантски совет.
Во своето обраќање претседателот Пендаровски се осврна на актуелните политичко општествени процеси во регионот, на економската и енергетска криза, на последиците од војната во Украина и глобалните безбедносни предизвици. Значајно е задржувањето на нашиот европски курс, но и потребата за проактивност на Европската Унија со зголемен фокус на европската агенда кон земјите од Западен Балкан.
Конференцијата е дел од серија настани во рамки на иницијативата Балкански дијалози. Досега вакви конференции биле реализирани во Белград, Тирана, Берлин, Минхен и Париз.
