На 19.11.2022 во 10.15 часот на бул.„Видое Смилевски Бато“ во Скопје, полициски службеници од СВР Скопје лишиле од слобода двајца малолетници од Скопје. Тие биле затекнати при извршување кражба во продажен објект, при што одзеле повеќе производи. Одземените предмети биле пронајдени и вратени на сопственикот, а за случајот бил запознаен Јавен обвинител. По целосно документирање на случајот ќе биде поднесена соодветна пријава.
На 19.11.2022 во 14.30 часот на влез на с.Шишево, скопско, полициски службеници од Полициската станица Сарај го привеле М.И.(44) од с.Шишево. При преглед во патничко возило „опел тигра“ со скопски регистарски ознаки, кое го управувал, биле пронајдени бесправно исечени огревни дрва и моторна пила. Возилото, дрвата и пилата биле одземени за понатамошна постапка, а по целосно документирање на случајот против него ќе биде поднесена соодветна пријава.
На 19.11.2022 во 10.50 часот на ул.„Петар Ацев“ во Скопје, полициски службеници од Единицата за интервентна полиција при СВР Скопје го лишиле од слобода М.Т.(21) од Скопје, затоа што кај него била пронајдена и одземена марихуана. По документирање на случајот ќе биде поднесен соодветен поднесок.
На 19.11.2022 во 12.30 часот на ул.„Симеон Кавракиров“ во Скопје, полициски службеници од Единицата за интервентна полиција при СВР Скопје ја лишиле од слобода Е.П.(23) од Гевгелија, затоа што кај неа била пронајдена и одземена марихуана.
По документирање на случајот ќе биде поднесен соодветен поднесок.
