ДОАЃА ВЛАЖЕН БРАН: Денеска променливо со повремен дожд, на почетокот од идната недела пад на температурата и снег на планините

Подрачјето на нашата земја во следните денови ќе биде под влијание на серија на влажни бранови. Времето ќе биде променливо облачно наместа со врнежи од дожд со променлив интензитет.

Утре и во понеделник врнежи ќе има на повеќе места, а локално ќе биде нестабилно со пообилен дожд (над 40 л/м2) и појава на грмежи.

Ќе дува умерен до засилен ветер од јужен правец (над 60 км/час). Од понеделник температурите ќе бидат пониски и на повисоките планини ќе има повремени врнежи од снег.