Centar.mk – Вести, бизнис, забава, спорт…
Локално

Скопјани дишат штетен воздух, Еко Советот на Градот без реакција

И овој ноември смрдливиот и загаден воздух, особено во вечерните часови, кога загадувањето е најизразена, стана тема на сите разговори, коментари и расправии, како на социјалните мрежи така и во секојдневните разговори на луѓето во Скопје, но реакција од надлежните се уште нема, а дополнително проблемот со аерозагадувањето ја усложнува енергетската криза и најавите за користње на дизел за греење.

Очите на јавноота, сепак, се вперени и кон централната и кон локалните власти.

Eкологистите не гледаат дека темата за загадувањето на воздухот е ставена на највисок ранг, зашто резултати нема, а потврда за тоа е дека Скопје повторно се најде на листите меѓу најзагадените 10 градови во Европа.

По последните локални избори, дваесет и пет експерти и претставници на граѓанскиот сектор од областа на урбаното планирање, урбанизмот, архитектурата, сообраќајот, енергетиката и заштитата на животната средина, станаа дел од новоформираниот Градски еко совет – Зелен совет на Град Скопје. Овој Совет има за цел да креира политики од областа на екологијата, сообраќајот, урбаното планирање, да предлага стратегии и да дава совети за иднината на развојот на Скопје.

Но во јавнсота десега нема информации за активности на ова новоформирано еколошко тело кое во јавност беше дочекано како добра вест.

Во врска со мерките на градот за аерозагадувањето, Татјана Стојановска од „Го сакам Водно“ и „О2 Иницијатива“ за „Локално“ вели дека дека „има некои напори од градоначалничката Данела Арсовска, се формираше Еко совет во кој членуваат стручни лица и невладини организации, но се уште нема никакви резулатати од било каква работа на темата загадување. Посебно сега кога се алармира дека има енергетска криза“, вели таа за „Локално“.

Посоува дека и централната власт треба сериозно да ги сфатат проблемите и последиците кои ги имаме како држава „од игнорирање и нерешавање или решавање со премногу бавно темпо на проблемите со аерозагадувањето“.

„Имавме доста дебати и со министерот за животна средина и се е тоа убаво кажано, но релноста е дека ние ќе имаме загадување како пред ковидот кога беше доста високо“, вели таа додавајќи дека во Скопје ништо не е сменето зашто и натаму на улиците продолжува да се зголемува бројот на возила, а дополнително се враѓаат во употреба и нееколошките фисилни горива.

Давор Пешевски од „Еко свест“ за „Локално“ вели дека подолго време Градот не се справувава со проблемот со загадувањето кој треба да биде од највисок ранг.

„Во однос на мерките на Градот може да се види дека има некоја акција, интензивно се засадува ново зеленило, но надвор од тоа ништо не е преземено од град Скопје веќе подолго време, не само од оваа гранитура туку и претходно“, посочува Пешевски.

Дополнува дека итните мерки кои се активираат кога загадувањето е алармантно треба да бидат обврска, а не препорака.

„Ова не е нешто што се решаава за една зима, но сега може наместо препорака да биде обврска да не се влегува во автомобил ако не се мора, исто така, треба пар непар да се воведе за сообраќај, а на индустриите да им биде обврска да работат со намален капацитет. Треба да има такви мерки кои конкретно влијаат на загадувањето во моментот”, вели Пешевски.

За високото аерозагадување во Македонија изработени се повеќе истражувања кои укажуваат на ризикот врз здравјето на илјадници граѓани, особено за децата како најчуствителна група, зашто нивниот организам е во развој и имаат побрзо дишење.

М.С.М.

извор: Lokalno.mk

Можеби ќе ве интересира…

  • Biznispro.com
  • Вести +
  • Жена
ПАДНА ОДЛУКА: Ново значително поевтинување на бензинот и дизелот, ова се новите цени

Регулаторната комисија за енергетика и водни услуги на Република Северна Македонија донесе Одлука со која се врши намалување на малопродажните цени на нафтените деривати во просек за 1,48 % во… Прочитај повеќе

Денеска РКЕ ќе стокми нова цена на горивата

Денеска Регулаторната Комисија за Енергетика стандардно како и секој понеделник треба да донесе одлука за утврдување на нови цени на горивата, кои ќе важат од вторник. Во моментов бензините се… Прочитај повеќе

Еве што се случува во телото на жената за време на ПМС: Хормоните се главни виновници за се

Најголема улога во женското репродуктивно здравје имаат хормоните кои регулираат голем број процеси во организмот. Така, под влијание на хормоните може да се забележат одредени појави во телото на жената… Прочитај повеќе