Лидерот на владеачката ДПА Мендух Тачи очекува конструктивна дебата од лидерската средба со парламентарните партии закажана од премиерот Димитар Ковечевски. А според Тачи би било добро да се постигне консензус меѓу власта и опозицијата за конечно и дефинитивно да се затворат блокадите за евроинтеграцискиот пат на земјава. На прашањето дали ДПА ќе постави услов и тема на лидерската која е свикана за одблокирање на евроинтеграцскиот процес и за внес на Бугарите во Уставот, лидерот на ДПА истакна дека нивен е предлогот за бришење од Уставот на формулацијата „20 проценти“ и за тоа веќе зборел и со лидерот на ДУИ Али Ахмети.
– Добро е конечно во Македонија да се зборува и за идентитетот на Албанците, односно за тргање на формулацијата „20 проценти“ и нејзина замена со албански јазик, но во овој случај ДПА не смета дека со ова барање треба да се условоува. Сега е важно да постигнеме консензус за одблокирање на евроинтегративниот пат на земјава. Јас за ова веќе разговарав со Ахмети а ако се постигне консензус за Уставот после тоа ќе разговарам и со нашиот коалициски партнер Ковачевски и со опозицискиот лидер за ова прашање – изјави Тачи.
