Владиниот советник за енергетика, Виктор Андонов вели дека доааѓат постудени денови и затоа е неопходно сите да вложат максимални напори за штедење на електричната енергија.
Тој на прес-конференција во Владата кажа дека во октомври покрај добрите временските услови и намалената потрошувачка, голема улога одиграло и штедењето на електрична енергија од граѓаните и институциите за да нема набавка на електрична енергија.
-Во овој период што ни следува, имаме само еден избор, а тоа е да штедиме и рационално да се однесуваме, рече Андонов.
Тој додаде дека Владата е насочена кон домашното производство на електрична енергија и пуштање на сите домашни погони во функција.
