Екипите на ЈП Улици и патишта Скопје по налог на Град Скопје денес ја асфалтираа улицата 74 во населбата Волково во општина Ѓорче Петров.
Улицата е со површина од 760 квадратни метри, прв пат е асфалтирана и е дел од проектот за изградба на повеќе од 25 улици во пет населени места во општина Ѓорче Петров.
Екипите од утре продолжуваат со изградба на улицата 78 во Волково, а во наредниот период и на останатите улици кои се предвидени според планот за работа и меѓуопштинската соработка на Град Скопје и општина Ѓорче Петров.
