Изгоре спрат и покрив од куќа во струмичко

На 20.10.2022 во 10.26 часот во Полициската станица Струмица било пријавено дека настанал пожар во куќа сопственост на В.Ѓ.(61) од село Василево, струмичко, при што биле опожарени кровната конструкција и спрат. Повредени лица нема, а по интервенција на Територијалната противпожарна единица Струмица пожарот бил изгаснат.

Увид на местото извршиле екипа на Секторот за внатрешни работи Струмица и инспектор од Дирекција за заштита и спасување.