Centar.mk – Вести, бизнис, забава, спорт…
вестМАКЕДОНИЈА

Средба на претседателот Пендаровски со македонската атлетичарка Катерина Шиповиќ

Претседателот Стево Пендаровски денеска ја прими ултрамаратонката Катерина Шиповиќ, првата македонска атлетичарка која ја истрча ултрамаратонската трка Спартатлон од Атина до Спарта во должина од 246 километри.

На средбата претседателот Пендаровски беше запознаен со подготовките и реализацијата на учеството на Спартатлонот, што се вбројува меѓу 10-те најтешки ултрамаратонски трки во светот.

Претседателот Пендаровски упати честитки до Шиповиќ за реализираната трка, истакнувајќи дека нејзината посветеност и истрајност треба да бидат пример за сите млади атлетичари и спортисти воопшто. Според претседателот Пендаровски, особено импресионира фактот што Шиповиќ, покрај професионалната кариера, успешно се занимава со атлетика, со фокус на трки на долги дистанци – маратони, ултрамаратони и планински трки и е меѓу најтрофејните македонски атлетичари.

Можеби ќе ве интересира

Мицкоски: Со новите извешати на УЈП и Царина може да констатираме дека периодот на консолидација заврши, следува период на раст на економијата во државата

ДЕСК

Обезбедени 42,3 милиона денари финансиска поддршка за ранливите потрошувачи на струја

C +

Мицкоски: За младите предвидовме проширен опфат за оперативниот план за отворање на бизниси и бесплатен пристап до научни списанија како дел од проектите кои се работат

ДЕСК