Градскиот превоз и функционирањето на Јавното сообраќајно претпријатие Скопје се пред колапс заради неспособност, тендери и провизии на кадрите на ВМРО-ДПМНЕ,се вели во соопштението од СДСМ.
Од партијата додаваат дека не само што нема нови автобуси, не само што нема бесплатен превоз, туку на Скопје му се заканува ситуација и воопшто да нема јавен превоз, нешто што досега се нема случено. И сето тоа поради градската власт на ВМРО-ДПМНЕ и градоначалничка којашто тие ја промовираа, ја поддржаа и којашто ја избраа на чело со медарот Христијан Мицкоски, исклучиво таму е вината за ваквиот колапс.
Граѓаните на Скопје не ги избраа советниците од ВМРО-ДПМНЕ, ниту нивната градоначалничка да излегуваат во јавноста и да ја префрлаат вината на кој ќе им текне туку да работат. СДСМ преку својата советничка група нема да дозволи неспособноста на ВМРО-ДПМНЕ и нивните кадри да биде на штета на Скопје и скопјани, се вели во соопштението.
