Иако повеќето од нас сакаат да слушаат само убави и позитивни астролошки предвидувања, објективно не е можно секој знак од Зодијакот да биде подеднакво успешен секој месец. Понекогаш имаме фази кога сè ни оди од рака, а ѕвездите се редат во наша полза – така што имаме успех на љубовно и финансиско поле и се чувствуваме непобедливи.
Од друга страна, има и периоди на турбуленции и неочекувани проблеми, за кои ѕвездите понекогаш знаат да не предупредат. Со оглед на тоа дека летото е при крај, доаѓањето на есента носи и нови астролошки аспекти, а со нив одат рака под рака и проблемите за трите хороскопски знаци кои многу ќе се борат да излезат од сите тешкотии што ќе ги снајдат до крајот од 2022 година.
Јарец
Јарците, кои се секогаш финансиски ориентирани, во следниот период ќе имаат голем број финансиски проблеми. Ќе трошат повеќе отколку што ќе заработат, а големи се шансите да загубат големи суми пари поради непромислените одлуки.
Сепак, иако ќе бидат невообичаено финансиски затегнати, ќе бидат подготвени и за нови деловни потфати и започнување бизнис, што може да се исплати на долг рок.
Рак
За Раковите есента ќе донесе моменти во кои буквално ќе посакаат да излезат од сопствената кожа. Многу стресни ситуации ќе се редат една по друга, па Раковите може да се чувствуваат како да се под голем притисок.
Најважно е да се задржи ладна глава и да се најде начин да се справите со секојдневниот стрес. Теретана, прошетка или играње со кучето – секој облик на одмор за душата ќе им биде многу потребен на Раковите оваа есен.
Проблемите со финансиите и приватните односи во овој период ќе ги заморат Раковите, но и ќе ги подготват да влезат во 2023 година психички посилни од кога било досега.
Стрелец
Астрологот Павел Глоба ги наведува луѓето родени под астролошкото правило на знакот Стрелец на прво место на листата на знаци кои ќе имаат проблеми оваа есен.
Стрелците во последните месеци од оваа година треба да се грижат за приватниот живот, особено за семејните проблеми. Исто така, не треба да избрзувате со финансиски инвестиции бидејќи има аспекти кои укажуваат на парични загуби.
Најдобар начин за Стрелците да го поминат остатокот од годината е да се смират и да ја зауздаат својата авантуристичка природа. Треба да поминувате повеќе време во природа и со вашите сакани и да ги средите приоритетите во вашата глава – а големите одлуки да ги оставите за посреќни времиња.
