„Министерството за надворешни работи на Република Северна Македонија најстрого го осудува вандалскиот чин што се случи денес, 12 октомври, во Охрид, со кој е искршена таблата на неодамна отворениот клуб“, соопштија попладнево од МНР.
Од таму потсетуваат дека, според Уставот, и според долгогодишната пракса во земјата, сите граѓани на Република Северна Македонија имаат еднаква слобода на здружување заради остварување на своите права и уверувања.
„Ги повикуваме сите надлежни институции да преземат соодветни мерки за овозможување непречено исполнување на сите со Устав и со закон загарантираните човекови и граѓански права и слободи. Истовремено, го повторуваме апелот и до сите граѓани и здруженија на граѓани за зрело и одговорно однесување со почит кон правата и слободите на другите напоменувајќи дека мултиетничкиот карактер на нашата држава е една од темелните вредности на уставниот поредок, кое претставува право и обврска за секој од нас“, стои во соопштението.
