Мажот кој фрли со предмет кон бугарскиот клуб во Охрид со контроверзно име „Цар Борис Трети” ќе добие пријава. Демонстрантите се судрија со полицијата за да не биде уапсен, но сепак, полицајците успеале да го идентификуваат.
„Не се регистрирани нарушувања на јавниот ред и мир. Полициските службеници евидентираа едно лице кое на јавно место фрли предмет кон одредена група граѓани. Против него ќе биде поднесена прекршочна пријава по член 5 од Законот за прекршоци против јавниот ред и мир”, велат од СВР Охрид.
Дофрлања и провокации имаше и од балконот на клубот, каде што стоеја гостите. Полицијата застана пред седиштето на клубот и побара гостите да се тргнат од пред демонстрантите за да не ја загреваат атмосферата со цел да се спречи поголем инцидент.
ПОПУЛАРНО НА ИНТЕРНЕТ...
