На 23.09.2022 во 17.00 часот, полициски службеници од Надворешната канцеларија за криминалистички работи Кичево и Полициското одделение Осломеј ги лишиле од слобода Б.А.(48) и Ф.А(75), двајцата од с.Туин, кичевско. При претрес во нивниот дом во селото, извршен со судска наредба, биле пронајдени и одземени пиштол „М57“ калибар 7,62мм со една рамка без муниција и една кутија со шест куршуми калибар 7,62мм. Тие биле задржани во полициска станица и по целосно документирање на случајот против нив ќе биде поднесена соодветна пријава.
