„Се што е наведено како сугестија, критика, негодување за даночните реформи е ставено на хартија и ќе се дискутира. Драго ми е што сите политички партии се одзваа на поканата за дебата. Така се носат реформи. Сите структури да дебатираат, особено за вакви специфични прашања“ изјави директорката на УЈП, Сања Лукаревска во Дневникот на Сител.
Таа додаде дека предложената даночна реформа не е фиксна и дека дел од работите што се нудат може да бидат прифатени, дел делумно прифатени, а дел отфрлени.
„Дискутираме и со коморите, претставници на сметководтелите, ревизорски куќи, економски експерти. Дел од нив сметаат дека токму во кризно време се носат даночни реформи, но има дебата околу роковите. Ќе се адаптираме со кризите и во дослух со сите засегнати страни ќе носиме одлуки“ рече Лукаревска.
Таа додаде дека даночнитие реформи се носат согласно препораки на ММФ, ОЕЦД и Светска банка врз основа на споредбени искуства со другите земји.
