Centar.mk – Вести, бизнис, забава, спорт…
МАКЕДОНИЈА

Непознато лице се претставувало како вработен во УЈП и барало пари од даночни обврзници

Управата за јавни приходи известува дека изминативе денови непознато лице, лажно се претставувало дека работи во Управата како одговорно лице за наплата на долгови и барало пари од даночни обврзници со цел да го намали долгот што истите го имале спрема Управата за јавни приходи.

„Управата за јавни приходи денес дојде до оваа информација, и согласно член 391 од Кривичниот законик веднаш ја пријави оваа случка во Министерството за внатрешни работи во ОВР Кавадарци. УЈП известува дека задолженијата што даночните обврзници ги имаат (согласно даночните решенија и пријави) и уплатите, преку носителите на платен промет и трезорскиот систем се книжат автоматски. Само со плаќање на даночниот долг преку носителите на платен промет и трезорскиот систем може да престане обврската на даночниот должник“, велат од УЈП.

Оттука апелираат до сите даночни обврзници да не потпаѓаат под вакви дејствија на поединци.

Можеби ќе ве интересира

АПЕЛ ОД СВР СТРУМИЦА: Доколку се наоѓате во струмичката населба Софилар веднаш напуштете го тоа подрачје – настанат е пожар

ДЕСК

Апсење во познат локал во центарот на Скопје – Маж агресивно се однесувал кон полицајци

ДЕСК

Скопјанец со денови бил тепан од неговата сопруга во центарот на Скопје – Со неа бил во бракоразводна постапка, полицијата на нозе!

ДЕСК